PCCAO ginlunsar an Mass Oathtaking sa mga Director ngan Miyembro san Kooperatiba sa Probinsya


- Date Posted: January 26, 2017


Para pakusogon  an mga kooperatiba sa norte san samar ginbuhat san PCCAO an Board of Directors Training Course and Mass Oath Taking of BOD Members san dorodilain nga mga kooperatiba denhi sa probinsya yana nga adlaw Enero 26, 2017 didto sa Ibabao Hall sa Kapitolyo.

Gintikangan an programa pinaagi sa pagrekognisar san diri masobra  singkwenta (50) nga mga kooperatiba sa  probinsya ngan ginsundan san welcome remarks ni Ms. Felicidad A. Alvaniz, Provincial Cooperative Community Affairs Office Department Head.

Gintagan bog-at ni Mrs. Alvaniz an pagkakayaon hibaro san mga Board of Directors ngan miyembro san kooperatiba para san management and supervision ug paghatag capability building sa ngatanan na mga incorporators para mapauswag an pangabuhi san marginalized sectors sa probinsya ngan mga miyembro sini.

Samtang ginpangunahan naman ni Vice Governor Gary Lavin an mass oathtaking san mga BOD ngan miyembro san kooperatiba nga mao an nagrepresentar kan gobernador Jose Ong Jr. Kanya ginpasalamatan an opisina san Provincial Cooperative and Community Affairs Office, Mr. Jaime Domdom-Consultant on Cooperatives in the province, Board of Directors ngan miyembro nga nagtalinguha magtindog sin kooperatiba sa probinsya kay dako ini nga bulig sa mga nortehanon.

Sa kanya mensahe gintagan importansya an role sa mga kooperatiba bilang sayo nga rason mao nga natindog an ekonomiya sa Pilipinas ini yana an multi million industry sa aton nasud labot pa an paghatag trabaho sa mga parag-uma, paragpangisda ngan digtoy nga negosyante.

Dugang pa ni Vice Governor Lavin nga andam an opisina san gobernador pinaagi san PCCAO paghatag  pautang  para pakusogon an mga negosyo sa probinsya kay mao ini an inop san gobernador nga makabulig san pangabuhi sa mga nortehanon.

Nagpatapod liwat ni Vice Governor Lavin nga andam liwat an kanya opisina  magpasar mga ordinansa o resolusyon para suportahan an mga kooperatiba sa probinsya.

Samtang ginhatag naman ni Mr. Jaime Domdom- Consultant of Cooperatives in the province an rationale, overview, objectives and legal basis san kooperatiba nga maaagihan sa Cooperative Code of the Philippines , Republic Act 9520 ngan Republic Act 7160 of the Local Government Code.

Gindasig ni Mr. Domdom nga naghimo na  komprehensibo ngan konkreto nga stratehiya an pamunoan ni Governor Jose Ong Jr. pinaagi san Benipisyo, Umento,Laban sa kahirapan at Ibibigay sa Gumagawa o  BULIG Program para tagan suporta an digtoy nga mga negosyo san mga paraguma, paragpangisda denhi sa probinsya nga mayaon sin target beneficiaries nga  50 cooperatives in one (1) year with 3, 750 families of coops ngan 250 cooperatives within 5th year with 18, 750 familities coops.

An BULIG program maghahatag financial assistance of interest free and no collateral  sin kantidad P20,000.00 sa kada pamilya o P200,000.00 sa  napulo (10) nga pamilya per cooperative ngan igbabalik an nasabi nga kantidad sa opisina san PCCAO.  An una nga bayad magtitikang  sa 3rd month tikang ginhatag an kuarta o tatagan  amnestiya sin duwa (2) kabulan para kumita ngan maka roll an puhunan san kooperatiba.

Samtang kadungan sa nasabi nga mass oath taking an pagkondukto training san mga Board of Directors ngan miyembro kay sayo ini nga requirement antes magtikang an kooperatiba para mahibaoan  an duties and responsibilities ngan parliamentary procedure san sayo nga kooperatiba.