14 nga mga proyekto sa agrikultura, ginpondohan sa ilarum san PRDP


- Date Posted: January 30, 2017


Catarman, Northern Samar – Agud mapahitaas an produksyon sa agrikultura san Norte san Samar ngan mabuligan an mga parag-uma nga mag-umento an ira kita ngan produksyon, katorse nga magkalain-lain nga proyekto sa pag-uma an ginpondohan sa Rural Enterprise for Agriculture and Fishery Productivity (I-REAP) sa  ilarum san Philippine Rural Development Project (PRDP) san Department of Agriculture dinhi sa probinsiya. Mao ini an nahibaroan kan Engr. Romeo Cardenas, provincial planning and development coordinator.

An siyam nga bag-o nga mga proyekto nakaapi mao an Duck (Mallard) Egg Production and Marketing san Northern Samar Farmer Entrepreneur Association sa Brgy. Cablangan, Mondragon; Hog Fattening and Trading san Hiparayan Farmers Association sa Brgy. Hiparayan, Catubig; Duck Egg Production and Marketing san Libjo Farmers Association sa Brgy. Libjo, Catarman; Itik Egg Production and Marketing san Brgy. Talolora Agri-Entrepreneurs Association sa Brgy. Talolora, Mondragon; Vegetables Enterprises and Marketing san Northern Samar Vegetables Producers and Entrepreneurs Association sa Brgy. Cangcahipus, Laoang; Hog Fattening and Marketing san Northern Samar Indigenous Handicraft and Coco Coir Producers Association sa Brgy. Rawis, Laoang;  Siganid and Milkfish Fishpen Project san San Antonio Fishermen’s Association sa Brgy. San Antonio, Biri; Goat Breeding and Dairy Marketing san San Jose Farmers Association sa Brgy. San Lorenzo, San Jose; Hog Fattening and Marketing Enterprise san Robasan Farmer-Irrigators Association sa Brgy. San Jorge, Las Navas.

Samtang, an lima nga livelihood projects nga nagpailarum na sin pre-implementation planning sa linabay nga tuig 2016 mao an Hog Fattening and Trading san Samahang Magsasaka ng Allen, Northern Samar, Inc. (SAMASI), Bio-Organic Vermi Compost Production and Marketing san Allen Organic Vegetable Raisers (AOVR) sa bungto san Allen, Hog Fattening and Trading san Geratag Farmer’s Association sa San Jose, Hog Fattening and Trading san  Bagasbas Farmer’s Association san Mondragon, ngan Goat Production, Marketing and Trading san Cervantes Integrated Organic Farmer’s Association sa bungto san Catarman.

Ini nga mga proyekto in nagkakantidad sin masobra 14 milyones ka pesos kon diin an Gobyerno Probinsiyal san Norte san Samar sa ilarum san pamumuno ni Governor Jose Ong Jr. nag-alokar sin maharani tres milyones kapesos komo counterpart para san manilampuson nga pagpatuman sini nga mga proyekto.

 An PRDP in ginpondohan san World Bank ngan Gobyerno san Pilipinas.