Catarman, Northern Samar – Sa ika-tulo nga higayon, nagdaug na liwat an Northern Samar Public Employment Service Office (NSPESO) sa ginbuhat nga Search for Best PESO sa katatapos la nga 18th National PESO Congress didto sa Davao City san Octobre 25-27, 2018.

         Nakuha sa NSPESO an pinaka hataas nga award nga ginhahatag san Department of Labor and Employment sa ika-tulo nga higayon tikang pa san tuig 2015 abot sa 2017 para sa 2nd class province category. Tungod sini nga recognisasyon, nahibutang sa Hall of fame an NSPESO komo sayo nga partner san Dole san pag-implementar sini san mga magkadurudilain nga employment programs labi na sa community level.

          Nakakuha an NSPESO sin 90% rating sa regional level rason para ma-elevate ngan ma-endorse an buhatan ngadto sa national level.

Durante san katitirok san mga PESO managers sa bug-os nga nasud gintagan liwat mpagkilala an buhatan komo Top PESO user and advocate san PESO Employment Information  System (PEIS) para sa 2nd Class Province Category.

An PEIS in sayo nga web portal nga nakabutang an ngatanan nga mga naghahanap trabaho ngan mga employers nga naka rehestro sa ilarum san National Skills Registration Program san DOLE.