Magkakayaon sin Medical-Surgical Mission for Cleft Lip Repair o libre nga pan-opera san mga bungi sa maabot nga Marso 18-20, 2022 sa Northern Samar Provincial Hospital.

Abrido ini sa ngatanan nga edad. Daraon la an birth certificate san ooperahan ngan kon menor de edad, updan san kag-anak o guardian.

Titikangan an screening yana nga adlaw, Marso 11 tubtob 17 diin an pasyente in igpapailarom sin laboratory tests, samtang an RT-PCR test in hihimuon duha kaadlaw antes an operasyon.

Ini nga libre nga operasyon in dara san Gobyerno Probinsyal pinaagi san paningkamot ni Gobernador Edwin Ongchuan, kaupod an Provincial Health Office ngan NSPH sa pakikipagbuligay kan Dr. Lutgardo Caparas Jr. ngan Dr. Willie Go.